جلاد دل

‍ 📚غزل لری جلاد دل
🍁🍁
اه لو خنه ، باور نکـو ، که دل کوهی تموم غمـه
کجایی نارمت ،اما هرجا روم های دمین ره مه
🍁🍁
دلم نقــش نگارتن ، هکاکـی کــرد و ری سینـه
هرچی بینـم جمال نازت،به ولله کمـه و کمــه
🍁🍁
خیال نکو که تو رتی ،مه هــم آروم و بی دردم
دلم یه کاروان درده ، مـه لشکـری وا غـم زمــه
🍁🍁
دیار نی دل کسـی واکس،ولی نی حق دل داده
بیا کوشتی دلـ❤️‍🔥م بسه،بیا غمت هه چی سمه
🍁🍁
مه ایوب صبور نیسم، هنـر کردمه که نمردمه
سینه آتش گرت سی تو،بیا جونم د وقت کمه
🍁🍁
چنو لالکسمه و تو ، که دل شرمنده ی زونمه
بیا چیـه نمنــه د ، دونی عمــرم چن یه شمه؟ 🕯
🍁🍁
رومسه و ســرم روزی ، غمت وقتی که رتیه
و دل نیر ای بیت م ، اما تــو زلزله و دل بمه
🍁🍁
بهار اوما ، تو اومایه ، قـــرار نمــن د ای دلمـه
منی جنگ داره ابرو تو،که چی کمون آرش خمه
🍁🍁
مه خو لیـــوه او بیمارتمـ ، دلـم دونی روانیتـه
مر چی کردم که چش کالت،وا گوله آتشی زمــه
🍁🍁
اه نیایی دونم جلادی ، فداییت کردمه جونمـ
دیمش آسو د ره عشقت ، بزه و سینم وا قمه
🍁🍁
✍ سیروس میرزاوند

#نوای_ماندگار