غزل لری یار ظالم

بکش کمونِ برمیاته ،بزه تیری و دو بالـــــم
بئیر تو شوق پروازم ، و درگاه فلک نالـــــم
🍁🍁
چنو خار اُ زلیل ویمه،اُ ایفتامه دِ چَش تــــو
پی پُورس وکو د ای مردم،خویی ناره احوالم
‌🍁🍁
بزه تیرت د راس سینه ، بئیر قلبم ونشـــونه
بزه حرفی واتو نارم ، تو فک وکو که مه لالم
🍁🍁
د راسی دِ باور کردم ، چنی کافر اُ بی دینــی
لیوه ویم د غم عشقت ، بیا بخَن اُ دیه گالــم
🍁🍁
بزه تیرت و دو چَشم ، تا د نئینم جمالتـــــهَ
بزه نینم دسیاش گیری، بزه کافر بَزه ظالـــم
🍁🍁
فریو هرده دلت ویدم کِ گن باختم د ای بازی
تا دل دارم د ای سینه ، هه د ای غم تو نالـــم
🍁🍁
بکش کمو، بزه تیرت،بزه قطع کو ای پایامــهَ
بزه شَل اُ زوینم کوو ، نیلی یه جا د مه سالم
🍁🍁
دلـــم تا ورکنه د جا ، اَ سینه هم و در نونش !
 هه مجنون اُ پریشونته ، عاشق اُ لیوته ظالم
🍁🍁

✍شاعــر : سیروس میرزاوند

#نوای_ماندگار ↙️🌸🌺💐