ذلته باش ایمه ین اولماز اسیر
باش ائین هیچ واخت اولانماز بی نظیر
غیره چاپسون چاتماسان حق یوردونا
اولماسون سرمه اوتور توز قووزاما
بارینار چاتمیش اوره کلر بارلانار
دینله نن سایسیز ملک لر داغلانار
ایستی سن گوزاولاسان اول اوددو گوز
ساغ سولو گوودمه سن اولما تپه گوز
بوی اتیرسان موو تک آت اولسون بارون
سانجیلیب ایلیشیم ته هر گئدمه آیین
قیسسا گلسون چاتاسان چاتمیشلارا
تورپاق اول اولسون باروندا کیمیا
باغلاسون بئل باغلا سن یئتگین لره
تا کی چاتدیرسین سنی ایچگین آره
تونقال اولما اول اود اودلاردان آلیش
یان اییر بوتون درینلیکدن دانیش
سپمه دن تئز قونما هر اسگیک لییه
دوردامه قاشما قاتیشما اوزگویه
اول دینر دیل سویله گلسین اویناغا
سوزلرون سوزایله قاخسین قایناغا
دینله نن دیلدی باریشماز چکسه آه
قالماز اونوندا دوران خیلک سپاه
یانماز او اود دا کی وار من شعله سی
اویدورار اوندا اولان یار جیلوه سی
هئله چوخ تزدی باریشماز باریشا
کیم ده وار عشقدن ایز یاردانیشا
چاپدییر هر کس اتین زور گووجونه
قورخوسوننان دی باخامیر یووگونه
گله جه ک کردی سینی اوتلادییر
دونه نین نن صاباحین اختاریر
هره سی بیرجوره داغلیر اوزونو
لحظه لردن بارینان یوح دوزونو
ساسی میش دبلری قویماق قیراغا
باریشیخ طالیبی گلسین قاباغا
چیمچینیر پیس دوروشوغلاردان آدام
اوشونور یاد باخیشیخ لاردان آدام
کیم ده وار شوقودان ایز یار دانیشا
هئله چوخ تزدی باریشماز باریشا
نافذ