حسرت «ترکی»

حسرت  قالیرام   بیر  گوله  قلبیم   گولَه  بیلمیر
دونموش گونوزوم دای گئجه یاردان دونه بیلمیر

بیرمن یاشیرام پیس گونه قالمیش گودر حسرت
باختیم  نه قارالمیش  گوره حسرت ، اوله بیلمیر

خوشلوق  گَلی کن  باش یره باتمیش  دورا بیلمز
حسرت  جانی  یانمئش  بیزه  یاتماخ نییَه بیلمیر

حاقیم  بوکی  بیر گون   یاپیشام.   من أتگیننن
سوزلر.  دییم الله.   اوتانیر  دیل   دییَه  بیلمیر

باخمئش  یارادان  هچ گورَسَن بیر بیزَه باخمیر
سن  بیزلری  تاپشرمیش اولوبسان کیمه بیلمیر

رحمت    دییَن  الله،   بِئله   قیسمت  یازا بیلمَز
گورکیم تاپیب أل قیسمتَه خوشگون گَلَه بیلمیر

نولار گله سن  بیر یول اوزون  سوز گتیرن یوخ
باخ  شیطانا  هِچ  گور  بیزیم  إودن  گِده بیلمیر

سننَن دی   دییلر  نه کی  خوشلوق ، نه واریمش
یاددان   چیخیب   حسرت  آپارِیدین  گَله بیلمیر

اغلار  آیا    تای      گوزلریمیز   غملی یاغیشلار 
یاغدیخجا یاغیش‌  غم  ألنیر  گُوز  گوله بیلمیر

جنّنت  باغین  هچ   بیزلره  ریضوان   دمَدیخ ور
یانمیش  قارا  گونلر  نییه   بیزدَن   گِده  بیلمیر

حسرتله عومورباش گوتوروب گوز گورَه قالدیخ
قالمیش گوزوموزخوش گونه حسرت نییَه بیلمیر

یول گوزلَع  گوزون ساغ کی عدالت بَئیی گلسین
چوخدان گودوروخ  بیز یول  عدالت  گله بیلمیر

چوخ  سوز  ددیلر  بیزلره   سننن ، بیزه  گلمیش
بیز یوللییان  حتما  سیزَه دوز سوز  دییَه بیلمیر

حسرت بویی کن  بیزلره قالخیب  گویَه چاتمش
یانسین گوده بوی خوشلوغی بیریول گَلَه بیلمیر

اولموش یامان حسرت بیزه،حسرت گده بیرگون
حسرت دای  اولوب هر گونَه قیسمت گده بیلمیر

شعر «روح اله سلیمی ناحیه»