بیشه (لری)

اوشو د بیشه دردم گرو بی
دلم کوچیکو غم آسمو بی

او شو د بیشه دل د جور یار
ناله می زه و میی بی قرار

او شو د بیشه د جور یارم
طاقت نیاورد دل بیمارم

او شو د بیشه ناله تنیایی
سر می ده دلم د ای جدایی

او شو د بیشه سی دل بی کس
ایواره تا صو خوم بیم هنارس

او شو د بیشه دل خدانه داشت
نهال غصنه و ته خدا کاشت

اقه وا عصر نهاله آو ده
تا و ناله دل خدا جواو ده

گت عزیزکم کم بکو ناله
تا من داری که مویی بیچاره

مر تو نمویی خدا بزرگه
خوش حواسش هی و غم و غصه

بسپارش و م غم و غصه نه
خوم خوشو می کم دل و طالعنه

دلم امیدوار و لطف خدا
ساکت و آروم ولی بی قرار

توکل کرده و لطف ایزد
مویم خوش میکه آسو راه چارت

خدا بزرگه دلم امیدوار
آه و درد دل مویم و ته یار

خوشال و یکی یارش خدا بی
د غم و غصه او د جدا بی

بیشه : مکان تفریحی در شهر خرم آباد