یادوو جارا

چن وەشا پێسەو جارا
بلمێ ئەو سەردیارا

بە وەشی و چەپڵەکوای
دەسێ گێرمێ، هۆرپڕای

وەشی و شادٚی بەشما بۆ
کەیف و سەیران گەشما بۆ

کێڵێ کەرمێ، وەش بە وەش
بازێ بەرمێ، بەش بە بەش

تەڵان و تەڵان، پڕمێنە
بانە و بانێ، چڕمێنە

شاهۆ و سارۆ، پێوەرە
ماچا سەربەرز زوو کەرە

وەهار دیسان ئاماوە
زمسان بارش پێچیاوە

ڕۆجیار گەرماش هۆرداوە
وەروەیچ بڕیا کەشاوە

نەورۆز ئاما جە ڕاوە
هەراڵە چووزەش زیاوە

#هومایون_موحەممەدنژاد