سودای عشق

هارای چکمیش وجودیم وار،باشیمدا عشق سوداسی 
یایلسین عالمه  واردیر  منیم تک عشق رسواسی
بوعشق اُوغروندا جان ایسترسه جانان،جانیمی وررم
جانمیدا نشئه سی قالمیش،توکنمز عشق صهباسی
بوتون عالملره رسوا اولام،بیر ذره قورخوم یوخ
بونا فخر ایلرم کی سسلنه عشق شیداسی
منیم سودای عشقیم وار باشیمدا،هیچ قراریم یوخ
سینمده گور نه طوفان ایلیوبدور عشق غوغاسی
دیار عشقیده هرکس تاپامّاز معرفت بولسون 
گرک عاشقلرین اولسون باشیندا عشق رویاسی
کونول،حکمیله فرعونِ وجودیمله نزاع ایتدیم
آخی موسی کیمی واردیر سینمده عشق سیناسی
گناهیم باشدان آچمیشدی،منه حقدن نظر اُولدی
عصای عشقیمی وردوم آچیلدی عشق دریاسی 
خفا ده  ساخلین اسراری تا فاش اولماسین هرگز
گرک پنهان اولا نا اهلی لردن عشق معناسی 
بو بیر قانوندی کام آلمازلار عاشقلر اوز عشقندن
بو قانونی ازل گوندن قویوبدور عشق دنیاسی
حیاتین قید و بندینن اوزون قورتارسا هرمجنون 
مدارا ایلیر بیر گون اونونلا عشق لیلاسی
مقام عشقیدرو سالک قیامت ایلیوب طبعیم
قولاخ ور سیزلاییر کونلومده شمسین عشق سیماسی