« ان الدین عند الله الاسلام »

ای جهان عشولرین چوخ

ناز و غمزن فوران

شیطنتین خوش گلیر ایمان آپارا

ای فلک قهر زمان ایچره

صحاب کرمین کوی نگاریم چاغیریر

البت هر زولف گره خورده

چلیپا یازا بولسه

البت هر غمزه گلن ناز سما سوزدوره بولسه

وجه سیمای خدادیر منکر اولسام منه لعنت

یاد اسما و شفادیر گر گوتلسام منه رحمت

فاخرم رهن مسیحا اولا کونلوم

شاکرم شکر رحیما اولا تیمار ره و صبح شهادت

قدحیم دولدور عمواغلی کدیرم قامت لیلا

گوره کونلوم

وای پیرانه سرم چون کی جوانمرد خدا

بیغوله ده گالماز

بیز مسیحا گوره بولدوخ

بیز رفیقا شفقت اهلی زمان ایچره

ازل شرطی ابد مشقینه بیتوته بویوردوخ

ضریح قدمین گورسدنه سجده بویردوخ

ینه جایدیم ینه ایمان یقین درسینه

سوز بانلیری گویا

کاش صاحب قدم مشق خدانی

گوره بولسیدی بو قارداش

کاش رهن شرف و

سبط اکبر طلب و

جام بلی پای ورنین

کوینانا تشریف بویورسیدی بو تیمار

ذکر می می دادی اولسا

مشق هفت دفتری پواره بویوردون

حلقه اولماسا نه آنلار بو جماعت

رزق می اولماسا سیما گوره بولمز

بیز تلاوت ده قصور ایلمروخ

ای رحمتی گسترده ملاحت

سن یقین شهرینه

تمکین بویور بو دیوانیه کویون

تا شهودون اده مدهوش

سمیعانه  پرستش دوداغیم

اولا تسلیم قدومون

من حلاوت گورورم

کام الستیم بله سویلور

من جمیلانه گوزلر گورورم

گوزلری بینا

سنه باخماخدا پاریلدیر

سنده گالماخدا شاریلدیر

سنده سولماخدا

چیچکلر آچیلیر

سجده بایلدیر

کفر بیگانه

صبورانه

مناجات شریفانه

مسلمان الیر احوال

سبکبال

آی ملائک من مسلمان اولورام

سجدیه حاضر گوتولان

تشریف بویورسون