لری

لری #غزل_غم_یار
🍁🍁
غَمت چی تَش تژگایه ، دلم انباری باروتهَ
کنیز دِر  مالت ویم ، ک زیاد هَردمه چوتهَ
🍁🍁
دلم لیوه تیات ویده، کِ دارم شوق پروازن
تموم عشق او خیالمهَ، ولله سی ناز اَبروتهَ
🍁🍁
دلم هر دَم غیزش گیره، دِ غم یایه ک بمیره
دلت بَرده ولله کافر ،د لنج نکو وامه خُووتهَ
🍁🍁
اَه مُورده حق دلداره ، دلم صد بارهِ ک مُورده
دِ نارم هُوش و هِواسی،دِ دنیا خوم سرم شوتهَ
🍁🍁
شِکس هرده دلِ زخمی، ولی پا پَس نکشیمه
د بازیُ و قُمار عشقت ، هزاران بار ، دلم کُوتهَ
🍁🍁
گنامه َچی ویده مگر ، چنو هیشتمهُ او رتی
اِنوس نکردمه بی تو، د چَش داعم گریو روتهَ
🍁🍁
رُومس غَمت وشونمهَ ، د چاراوی وا کس نارم
بیا بَرس و فریادم ، که دل طوطی سُخن گوتهَ
🍁🍁
بویه ناره بهار بی تو ، صفاش رته چی پاییزه
مه چشمه پانصاری ام ،توو گُل ویدی ،دلم جوتهَ
🍁🍁
چنو دارم غزل سی تو ، دِ دل بیمار و سر مَسم
وصفت کردمه و کموتر ، که رتی بی مه قوقوتهَ
🍁🍁

✍ شاعر : سیروس میرزاوند

#نوای_ماندگار ↙️🌸🌺💐