با گێڵۆوە یار

‍ ‍‍ با گێڵۆوە یار

هۆرزە با بلمێ ڕوو بە هەورامان
یاگێ نشینگای بەرزای عەودٚاڵان

کەش و کۆ وەش ڕەنگ بە باقەی پەڕ گوڵ
خەم و پەژارە بەر بشۆ جە دڵ

بلمێ نە پای بەرز،بەرزە دەماخان
ئی دەس پەی ئەو دەس هەم دلێ باخان

هەوای دیدٚارش ئەو سەرم کەفتەن
پەرێ دیدٚەنش ،سەرتاپام مەستەن

دەی با ساتێوتەر بوینووش بە چەم
ساکن بۆ وەشی و بەربشۆ  ماتەم

لەیلێ بە تاسەو ئامای باڵاشەن
شەو و ڕۆش تارەن چەم چەمەڕاشەن

با گێڵۆوە یار ئەر مەیلش بارۆ
مەر نمەزانی تاڵش مەویارۆ

خۆ ئەمن بەستەی تاری زڵفی یار
بۆرێوە هەوار جە وەرزی وەهار

تۆ گێرە ئەی گوڵ باقەی وەزینت
بەشکەم بەر کنیۆ خەم و حەزینت

شێعر:#هومایون_موحەممەدنژاد



‍