باشقا بیر حیات

اوره ک دوُلو غملی بیر شیرین دردم
باش عَیمَرَم نامردلره تا مَردم
تانیماسان دانیشدیرماسان منی
جنون دریاسیندان سو ایچمیشم من


من عشقی سئچمیشم عشقیده منی
گَلَسَن دونیاما یاندیرار سنی
اوُزومده  اوُزومی دای تانیمیرام 
آخداریب تاپاماسان ایتیمشم من


عرفان دوزو دادمیشام روحوم اوچوب
منیم فانی دونیام  داغیلیب اوچوب
شیرین شیرین سوُزه دوُنمیشم عِشید
پندیلی ناغیللاردا بیتمیشم من


قلم عاریف ، وَرَقلَر شاعیر دئییر
بیلَن بیلیر ، بیلمیرن دلی سَسلیر
آمّا من  من دَئیلم ، اُو  دَئیلم
سوُن سیز  حیاتین آتین مینمیشم من


عشقم ، دلی یَم ، درویشم ، هرنه یَم
اوُلدورَلَرده یولومدان دوُنمَرم
محبت سئوگیله نفس چکیرم
هر نَفَسه مین شوکور دئمیشم من