زمانه

قصیده ای آذری برای   اساتید آذری زبانم:
                         زمانه
زمانه بو چوله چکدی به هر بهانه منی
 عجب بلایه دچار ایلدی زمانه منی
چمن چیچک گل و سبزه نشانه سی یوخدی
نشانه ایتدی داشا توپراقا تیکانه منی
قوجالموشام دا منیم عمریمین صفاسی گدیب
بهار عمری آلوپ سالدولار خزانه منی
اوشاخلوقی سالوری ایندیده منیم یادوما
اوشاخ کیمی چکیری دائم امتحانه منی
 گیجه گونوز بو بیاباندا قوش کیمی اوچورام
 ایدوب بو دامه گرفتار ، آب و دانه منی
بو آشیانِمَده قورخورام که اوت ورالار
عجب هراسه سالوبدی بو آشیانه منی
 پوزولدی یوکلریمیز چون دیدی سامان یوکودی
که ایستیری آپارا کوه زعفرانه منی
قنارینی مارالی دوتدی تار و مار ایلدی
 دچار ایدیب ایلانا بایقوشا سیچانه بیزی
بازارده گاه دولانوردوم خیال راحتیلن
بازاردان آیری سالوب چکدیلر دکانه منی
باشوندا فکر واری سیندیرا سوموکلریمی
هزار مکریله میندیردی نردبانه منی
 سوزونده یاخشیلیق و معرفت نشانه سی یوخ
روا بیلیر اوزونی یاخشیا ، یامانه منی
یِیَر داغی داشی دویماز بیر اشتهاسینه باخ
بو اژدها گتیروب عاقبتده جانه منی
  سلام علیک واریدی،باغدا چون اریک واریدی
اریک قوتاردی ساتوپ ایندی بیش قرانه  منی
قیزیل امیدینه وعده ویریلدی آلاندوم
ولی عملده یتیردی دلیک قازانه منی
اگر که معرفت اهلی بو سوزلری اوخوسا
دوتالّا  مسخره یه هر زمان "یگانه" منی
قاشین کماندی او کیپریکلرین اوخا بنزیر
او گوزلرین ایلیبدی اوخا نشانه منی

ترجمه دو بیت اول:
زمانه به هر بهانه ای بود ،مرا به این بیابان کشاند
و به بلای عجیبی گرفتارم کرد.
در این بیابان نشانی از چمن و گل بنفشه و سبزی نیست
مرا مورد هدف سنگ و خاک و خار نمود
...