لە دەلاقەی ئەم شێعرە...

خەیاتێک بە وردە گچکەی بن دیوارەکەی
جوانی بالای کچێک لەسەر چارشێوێکی رەش بە وێنەی بەختی ئەم رۆژانەم
بە هێڵی خاڵبەندی دیاری ئەکا 
رێگایەکی پر لە کێشە و نامۆیی بۆ مەقەسە رزیوەکەی دیاری کردوە
منیش جێ پێی ئەم مەقەسەم دە جار و سەد جار و هەزار جار تێپەر کردوە و 
هەر جاریش گەیشتومەتە پیرەمێدێک وا خۆشەویستەکەی 
لەناوکۆمەلێ وێنە جیا کردوە 
لەبەرئەوەی کە کاتەژمێری گیرفانەکەی بە راستیەکی زۆر خەمین راگەیەنێت
کاتەژمێرێک وا لەو رۆژانەی کە پێکەوە بون
خۆی دەکردە خەو و لە هۆشیاریشدا 
زۆر بە هێواشی بەرەو داهاتو هەنگاوی هەل ئەهێنا...!
من لەم رێگە پر کێشەدا 
تەنیا بیر لە جێ پێی کچێک دەکەمەوە کە لەناو ئەم هەمو ساڵەدا 
دەیهەوێت لێم دوور کەوێت و نایهەوێ...!!!!

 

کەیوان رۆستەمی