کر بی باک.شهرام محمدی.

غزلی لری تقدیم به روح سیاوخش وارانه ی شهید جوانمان شهرام محمدی نامت در دل ایل جاوید.


ای کُر بی باک مالُم شیر ایل هفت و چار
داغِ تو تَش ناده مینِ آسماری و کَلار
مال مندیرت نشسته نُک تُل منگشت غم
از صدا ساز و چپی لرزسته کینو وا منار
کوگ تاراز هی اخونه سی تو از دل گاگریو
داغ کارون تیز وابی که هی یاهه هفار
هر زَموکه هیمه خیسی ایره مین چاله تش
دیس بدتر خی کنه من دل که تی ایبوهه تار
شیون و کیکشت و غم وه پا اوی از رهدنت
قلبمونه از غم خوت ورکشیدی وه ملار
بیت دیرینه چه خش خوندی منه شهر غریو
دوش تا لا هی ایا من مالمو جیغشت و زار
شیرعلی من آسمو مندیر فر زیدن تو بی
دست آخر هم که فر زیدی ز کار روزگار


وحید شهپری