سایت شعرناب محیطی صمیمی و ادبی برای شاعران جوان و معاصر - نقد شعر- ویراستاری شعر - فروش شعر و ترانه اشعار خود را با هزاران شاعر به اشتراک بگذارید

منو کاربری



عضویت در شعرناب
درخواست رمز جدید

معرفی شاعران معاصر

انتشار ویژه ناب

♪♫ صدای شاعران ♪♫

تقویم روز

شنبه 11 تير 1401
  • شهادت آيت الله صدوقي چهارمين شهيد محراب به دست منافقين، 1361 هـ ش
4 ذو الحجة 1443
    Saturday 2 Jul 2022

      بیشترین مخاطب

      کانال تلگرام شعرناب

      بنویس تا زنده بمانی ،هر که نوشت پادشاه می شود. فکری احمدی زاده(ملحق)

      شنبه ۱۱ تير

      خاطرات روستایی

      شعری از

      حسین هاشمی

      از دفتر عشق مجازی نوع شعر غزل

      ارسال شده در تاریخ سه شنبه ۲۳ فروردين ۱۴۰۱ ۱۵:۱۱ شماره ثبت ۱۰۹۱۴۰
        بازدید : ۶۸   |    نظرات : ۱

      رنگ شــعــر
      رنگ زمینه
      دفاتر شعر حسین هاشمی

      نه اوشاخلیخ دا بی خوش گون واریدی
      سفرامیزدا بیرجع ایونه اودا تنها شوریدی
      ملتین وار دولتی آت گوزیسی چوخ واریدی
      بیزددع آغ تویوغون یومورتاسی اودا همیشه لاخیدی
      قونشولاردا بال کره سفرا دولی قیماغیدی
      بیزددع بیر قاش پنیر عینن دووار کسیدی
      کوزیت کیمین روزگاریم واریدی 
      ایاخ قابیم جیریخ تای به تاییدی
      یامان سفیح روزگاریم واریدی 
      آمما میننان شاد گوننریم چوخیدی
      یادیمدادی دار کوچلر چوخیدی 
      ایندیع تای آسفالت کوچه یوخیدی
      مشهد طللان قند باغ کوپن ویرردی
      ساوادسیزین کوپننرین سیچردی 
      هیش باخمازدی یایدی قیشدی بیواختی
      بیزی یولا سالیب سورا گیدردی
      رسول گیلین آرمیدلیغی واریدی 
      کوچمیزدغ نفت شعبسی واریدی
      هر واخت هاوا سوییاردی یاغاردی 
      مشهد منصیم نفت شعبسین آچاردی
      قار یاغاردی تورپاخ داملار داماردی
      پالچیخ دامی مشهد عزت سواردی
      کندین قیشی یامان کولح اولاردی 
      ننم قالخیب دام باجانی کورردی
      آخشامیدی ننم ناغیل دییردی 
      قورد گچینین شنگولوسین ییردی
      بیردن گوردوخ سس گلدی دام دویولدی
      دوردوخ گوردوخ لیلا خالا اولوبدی
      لیلا اولدی مشهد ممی تک قالدی 
      لیلا کیمین جووان ازنن آزیدی
      مش ممینین بیلیح باغی واریدی 
      اوندا ددم اولممیشدی ساغیدی
      مش سریه قونشودا تک قالاردی
      سوز دییندع آللاها آند ایچردی
      ممدتا چلیحلی بیر کیشیدی
      اوغلی بایرام توکلنچیلیخ ایشیدی
      حاج بهبودون ایل طایفاسی چوخیدی 
      حاج ماشاالله یادیمیدی پیللیدی
      قاریاغاردی کت آغ رنگی تاپاردی
      چوبان قالخیب قارا باخیب یاتاردی 
      چوپ سالاردیخ قفلی خاراب الردیخ
      معلم قایدیب درسی تعطیل الردیخ
      اوغلان قیزلار باهم ایوع قاچاردیخ 
      بیر قیزیشیب سورا چولع چیخاردیخ
      کتدع گوزل قیزلاریمیز واریدی
      سکینه باجین حییف عمری آزیدی
      ایت آچاردیخ چولدع دوشان قوغاردیخ
      اوشاغیدیخ چولدع قارا باتاردیخ
      هر نقدر قار یوللاری باغلاردی 
      مشد قربان گوی جیپینن آچاردی
      هیش باخمازدی یایدی قیشدی کولحدی
      درسچیلرع دوز وقتیندع چاتاردی
      خسته بابا اوشاخلارین پارکیدی
      نججار حسین کند اهلین قاردیسیدی
      فاطما سوره گوزللرین گوزیدی 
      حسینچیدی مسجدین چایچیسیدی
      مشهد غریب چای قلیانی ویرردی 
       ایل اونیکای سماوری قینردی
      مشهد خاتین قیش جورابی توخوردی 
      مریم خالا سینخلاری باغلاردی
      کتددع چوخی کاسیبیدی آجیدی
      آمما اورگ عینن شوشه صافیدی
      کاش گیدیدیم کندی بیدع گزیدیم
      گول ننمین ایولرینع گیدیدیم
      سددع گیدیب قدیم کیمین اوزیدیم
      تامارزی کونلومی من اولدوریدیم
      سددن کنده ایاخلارین گلیدیم
      دای بیده تهرانی آرزیلامیدیم
       

      اومود اویم سرخی بابام گیلیدی
      سرخی بابام خددامیدی گولیدی
      سوره ننم منع قاتیخ ویرردی 
      اوول دینیب سورا منی اوپردی
      هیش بیلمدیخ دونیا بیلع اولاجیح
      کتدع قالیب اوشاخلیخدا اولردیخ
      کتددع ایکی قبیرساننیخ واریدی
      یازیخ سعیدین دوچرخسی واریدی
      چوخلی جوان اولممیشدی ساغیدی
      کتددع چتین ایلدع بیری اولردی
      آشا چایدا میللت آشیخ اویناردی
      قیز گلیننر چایدا پالتار یویاردی
      چرچی حسین تیز یازانین قوراردی
      آلچی آتیپ توخانینی ییغاردی
      مشهد آبی تیز آزانی دییردی
      کالبالاصغر جواننارا دینردی
      مشهد یونسیرقیر آتینان گلردی
      ایولرینع شسلی شسلی  گیدردی
      روزگارین چرخی دولاندی گیشدی
      یاخچی گوننر کتددع قوتاردی گیددی
      ایندی گورم پیللیلاردا بیکیفدی
      خوشالینا هر کیم اولدی تیز گیددی
      خونیع گوزل قوجالارین واریدی
      حمداللانین یوزدن یاشی چوخیدی
      اوزی نورری یاب بیر گوزل کییشیدی
      مسجدلرع آخشام قوجا دولاردی
      شیخ محممد قرآن درسی قویاردی
      چوخلی اوشاخ پنجردن باخاردی
      آخان بیین قوشلاری هی اوچاردی
      کندع نهضت درسی گتیرمیشدیلر 
      آغ سققلر چوخی یازیلمیشدیلار
      کلاسدا شوخلوخلوخلاری واریدی
      کدخدانین پاک کنین کیم قاپاردی
      بیلیممدی امامزادان کیم یاردی
      قیزیللارین سیلدی سوپردی قاشدی
      هیش بیلمدیخ گوننر هاواخ قوتاردی
      پیسلیح گلدی یاخجینین یرین آلدی
      اوشاخلیخدا قادیر گیلدع اویناردیخ 
      قاب باجادان چپیش کیمین بویلاردیخ
      اویناماخدان مگر بیر یورولاردیخ
      آخ نه گوزل غمسیز غمسیز یاشاردیخ
      سارگول خالا منع بلله ویرردی
      اوغلی حسن گلندع چوخ سوینردی
      گونشولاری یازیخ کیشی واریدی
      ممیرضانین بوز اششکی واریدی
      ایل اون ایکای کتدع اوروش توتاردی
      دستمازدی هر لحظه ذیکر سایاردی
      کتددع شهید حتی جانباز واریدی
      چوخلی جوان کندیمیزدع ساغیدی
      میرزا حسن پایتخت نشین قاضیدی
      یاب بیرگوزل حاجیلارین گولیدی
      خرمننردع توپ میدانی واریدی
      کتدع یاخچی توپ اوینیان چوخیدی
      اروج بتر گولر دوراردی گولدا
      اوشاغیدیخ گینن باخاردیخ اوینا
      ربیعلی اولممیشدی ساغیدی
      قیشقراندا چوخوون رنگی قاچیردی
      آی نه گوزل گوننر الدن گیدیبدی 
      چوخی کوچوب چوخلاریدا اولوبدی
      گوزوم قالیب کندین او تویلاریندا
      بی میلتع دامنان آلما  آتاندا
      حسین کلا پشتک ویراردی تویدا
      اسلام اللر اوستع گزردی اوردا
      الان تمام خاطراتیم دیریلدی 
      مغزیم بوتون صحنلری گوتوردی
      دامنان گیزلین گردکانی دریردیم
      صمدبیلیب  سورا  منی ازردی
      اوننان سورا نچه سریدع دردیم
      گیزلین گیزلین دامدا چوخون گیزلددیم
      اوشاغیدیخ گناه ثواب بیلمیردیخ
      هر نه آغلا گلیردی بیز گوروردیخ
      آخشامدی داش کارتونا دولدوردوخ
      نذر آدینا اوس مسجیدع آپاردیخ
      خددام آشدی تا میللتع پایلاسین
      گوردی داشدی قاشدیخ بیزی دویمسین
      کتددع یاخچی کهریز سویی واریدی
      یاییدا عینن بیزلی سویی آخیردی
      یایدا بیچین بیچیب یونجا ویراردیخ
      اشحلرع خلور خلور چاتاردیخ
      خرمننرع داشیب جمه ویراردیخ
      نوبتینن دارتیب دنین ییغاردیخ
      بیزیم کتددع درمانیمیز واریدی
      مشد اروج یاب سلامت ساغیدی
      بیغدالاری نوبتینن دارتاردی
      شوخلوخچیدی یاماندا ایلداریدی
      آی نه گوزل رسمی واریدی کتددع
      سامان داشیردیخ نوبینین اششکدع
      سامانچیلار تورا سامان ییغاردی
      چکیب داما آنبا رارا ییغاردی
      آروادداردا کتددع قالاخ قویاردی
      قیش گونونع کرمع تزه ییغاردی
      تنبللری کوندلیب آتاردی
      زیرحلری قالاخلاری سوواردی
      خونیق سنه نه گلدی پس نه اولدی
      گوزللرو چوخون کرونا قیردی
      بیزیم کندین شاه حیاطی واریدی
      امام حسین زمانیننان قالیردی 
      بیزیم کندین کدخداسی واریدی
      ویژه سیگار سهمیینن ساتیردی
      خونیع پوتون دوره کندین گوزیدی
      الو ویردی ییخدی کندین سوزیدی
      عجب چیچک گوننریمیز واریدی 
      فیض اللانین کت شالواری شاخیدی
      بیزیم کتددع امام زادا واریدی
      بیر جوت مسجید بیر جوت علم واریدی
      کل گوننر کتددع نچه طایفیدی
      عاشورادا قاتیشیردی استثنیدی
      منیم ننم قابال چالاردی تویدا
      قیشقیراردی آی قیز دور ایغا اوینا
      ایندی گورسن قوجالیبدی بیکیفدی
      یتیم قالیب جوت قارداشی اولوبدی
      پاییزلاردی کتدی بیکار قالاردی
      قیش قاپدی خرمندع مود اولاردی
      یادیمدادی ابیللی تک قالاردی
      قیییش یییب دوستون چولع آتاردی
      کوشنچیلر آخشام ایوع گلردی
      گوی نیسانان امیر فیشقا ویرردی
      احتراملی دردع دین کیشیدی
      مدرسینن دوز دیواری بیریدی
      هلم دییم کندین بایرام دبیننن
      آروادلارا تازا پالتار واجیبیدی کبینن
      تهرانچیلار تیپ ویراردی گلندع
      چوخلی جوان پیل تاپبازدی قیدندع
      تهرانچیلار کندع میوه یوللاردی 
      پیللیلاری بالیخ سوغات قویاردی
      یازیخ حسین بوینون چینه قویاردی
      نیسانچیلار بیر بیر آدین چاراردی
      کتدی گلیب حعبلرین آلاردی
      فرغوندا بیر هایینان داشییاردی
      یومورتانی قیرمیزینان بویاردیخ
      چاققیشدیریب سیناننارین ییردیخ
      عیسی منع کیبریت آلیب ویرردی
      قیننییاردیم آخشام تحویل ویرردیم
      توپانجاسین کیربیتینن دولوراردی
      شاققیلدادیب کندی سسی آلاردی
      خوشقدمی بابام یامان سویردی
      بایراملیغین فقط منن یوللاردی
      پاکیزه بایرامدا گلردی کنده 
      گینن گورنده چاراردیم آی عمه
      یامان گوزل محبتددی جانیدی
      اولدی گیددی آدی دیللردع قالدی
      ایندی گوروح بتر گوننر واریمیش
      کتددع گوزل جیران قیزلار واریمیش
      منیمدع او قیزلاردا گوزوم قالدی
      سویدویومی آیریسی قاشدی آلدی
      جیددانقوشی داملاردا یاندیراردیخ
      چوخلی حاجت اود باشیندا آلاردیخ
      آتیل ماتیل چهرشنبی اوخوردوخ
      اود یاندیریب اوستونن آببیلیردیخ
      اوشاخ پوتون قورشاخلارین آچاردی
      قاب باجادان هر کیم شالین سوخاردی
      ایودع گلیب ننمنن شال ایستردیم
      شالدان اوتور آخ نقدر آغلیاردیم
      چوخ یالواردیم مگر ننم قویاردی
      اولماز هلم تیزدی بالام اوشاخدی
      بویوکلیی ای کاشکی گورمییدییم
      اوشاخلیخدا کتددع بیر گون اولیدیم
      بیزیم کتدع چوخداننان برق واریدی
      برق گیدندع کتدی اسمایلی آختاراردی
      اصغر داییم هردن نامه یازاردی 
      منیم آدیمی بیستی بیستی چاراردی
      هرکیم کندع نامه یازیب یوللاردی
      تلفونچی حسین ناملری پایلاردی
      معلوم منه نمرنی بیست ویرردی
      سه ساله لر چولدع منی دوویردی
      محبوب منع نوروز گولی ویرردی
      جبی منع داغ گیشنیشی درردی
      قاننی بولبول آغاشلاردا اوخوردی
      چکیککلر صوبحجن جوججولدردی
      نامردلردع واریدی کندیمیزدع
      چوخلاری یولداشلار قویوبدی تیمدع
      آد ویرمیرم اوتانسیننار اوزلری
      روحوم گزیر الان کندی کوشنی
      سوزلریمیز چوخلارینا ناغیلدی
      گچن گوننر زیندان کیمی آغیردی
      گلیدیخ قالدیخ یوردوموزدان اوزاخدا
      گوننر آغیر گچیر بیزع تهراندا
      ناغیل ددیم گچن گیدن گونننردن
      عذر ایستیرم یاددان چیخان کسلردن
      ۳
      اشتراک گذاری این شعر

      نقدها و نظرات
      بتول رجائی علیشاهدانی(صنم)
      چهارشنبه ۲۴ فروردين ۱۴۰۱ ۲۲:۰۵
      خندانک خندانک خندانک خندانک خندانک خندانک
      تنها کابران عضو میتوانند نظر دهند.


      (متن های کوتاه و غیر مرتبط با نقد، با صلاحدید مدیران حذف خواهند شد)
      ارسال پیام خصوصی

      نقد و آموزش

      نظرات

      مشاعره

      کاربران اشتراک دار

      محل انتشار اشعار شاعران دارای اشتراک

      حمایت از شعرناب

      شعرناب

      با قرار دادن کد زير در سايت و يا وبلاگ خود از شعر ناب حمايت نمایید.

      کلیه ی مطالب این سایت توسط کاربران ارسال می شود و انتشار در شعرناب مبنی بر تایید و یا رد مطالب از جانب مدیریت نیست .
      استفاده از مطالب به هر نحو با رضایت صاحب اثر و ذکر منبع بلامانع می باشد . تمام حقوق مادی و معنوی برای شعرناب محفوظ است.
      0