قارا یل اسیر هر آخشام کوچه لرده سن گدندن
سارالیب بوتون چمن لر بو خزان یلی اسندن
داهی باغلیوب یاشلّخ یوکون آرزو باخچامیزدان
نه بنفشه دن اثر وار نه عطرلی یاسمندن
یولون اوسته چوخ زماندی اوتورب دیلنچی لر تک
گوزی یاشلی هی سوراغین آلیرام گدیب گلندن
داهی ایوان اوسته گوللر سارالیبلا گلدان ایچره
داریخب سوراخلیلار سنی حسرتیله مندن
بوریور دومان سحرلر یولوی گوزوم گورنمیر
سنه چوخ شکایتیم وار بو دومان بو غملی چمدن
اوتورب لار حسرت حسرت دامیزین رفینده قوشلار
نه اوچوب نده اوچالار هامیسی دوشوبدی دندن
قوریوب سنی تیکاندان مین امیدیله بجردّیم
نه بیلیدیم اوزگه اللر یولاجاغ سنی چمندن
مگر آیرلاندا وصلین یازا وعده ورممیشدین
آخی هانسی بیر قارانقوش بیر عمر کوچوب وطندن
منه یوسفین ایزیندن بو قهر نشانه قالدی
نه چتیندی یار،یار عطرین آلا قانلی پیرهندن
باخیشیم دونوب یولوندا دِ گوروم هاچان گلرسن
اولوب آیلاریم ایل اما خبر اولمیوبدی سندن
بوقدر دییم کی سنسیز کوچه نین صفاسی یوخدی
قارا یل اسیر هر آخشام کوچه لرده سن گدندن