شنهی السبب : هرم ثلاثی مختلف القافیه

شنهی السبب : هرم ثلاثی مختلف القافیه
یا حبی ما اخونک
من سودنک من هیّض اجنونک
من علمک ترمی السهم صایود بعیونک
و ابیا سبب کت الغضب آه یا ذهب او منّی یمنعونک
اعذرنی لو طگ التفگ و اگلیبی ابطلقه احترگ او غصباً یجرونک
ویاک ارید اویاک
یلواعدتنی او سافرت مگدر علی فرگاک
اعتب علی اللیل الکدر دگ الخطر من هو الذی وزّاک
بستان و امورد عطر و ا نه اعتذر کف یا نذر مثل الورد حبّاک
تذکر ایام اللی مضن ما یننسن مجروح واتچت الدمع او گلبی اللذی داواک
شنهی السبب
فص انت و ابخاتم ذهب
ویاک اظن ابلا سبب مات النسب
دوّیت گلبی او سمعتی یا مهجتی نار ابخشب
یا بد وفا وین الشفا گلبک جفا حب و اختفا بیت او خرّب
قالب هرم: ثلاثی مختلف القافیه
ابداع: جاسم ثعلبی (حسّانی) 03/12/1392