الی روح الشاعر الادیب ملا فاضل السکرانی رحمه الله

الی روح الشاعر الادیب ملا فاضل السکرانی رحمه الله
من رحیلک یا حبیبی زادت الوان الفکر
و ابغیابک گلبی یشهد دگت انغام الشعر
یا ادب من ملا فاضل زید طلقات السهام
فاحت ابیات الموده او رش ابو ذیتک عطر
***
یا کلام امصفّی ینبع من ارض ذات الجمال
تشهد ابروجک یعبقر البحر و اسوار الرمال
انت شمعه او تضوی حیهه او نورت صیت الرجال
یا حسافه الدهر کدّر شتت اولاد الحلال
***
یا مضیف او دله تفتر و الدهر شد الرحیل
سیف یلمع قاطع الشر طشّر البرد الثجیل
نکهه و ابفنجان ساخن او هیل سکر هالضیوف
انت باگلوب النشامه ننسه کل شی مستحیل
***
صوت ملک الموت غرّد فی بساتین الحنان
و العداله زاد ضیهه او فجر برکان الامان
الشمس ویه الگمر صاحت یا امیر المحسنات
شوف دگ ارسومه یمنه فتنه چیلات الزمان
***
ما نسلّم جمله احنه و الشعر دگ الرچاب
کلنه من حیدر عزمنه امن الخیانه ما نهاب
هاک اخذ روحی رهینه او ردلی دیوان الدلال
الگمر متحمس او یعلی لا خیانت او لا عتاب
***
یا امیری سکّرتنی ابنبع گلبک و التهیت
گلبی بچّته الفرگه من عتابک ما بچیت
نورک ایشع بالسعاده و الکرامه اباقتدار
استاد و اتلمّذ حنانک غیر دربک ما هویت
***
اتصور التابوت شالک شال جسمک لو مثالک
سیدی انت السفینه دنیتی اتنور ابجمالک
یا سلف اکتب وصیه و اثبت ابحگه الکلام
انت شمسیه او هویه او گلبی من اول هوالک
***
فاضل انت او فاض علمک غرّگ ابیوت القصاید
طوب ثایر بیّه حایر اتعلگ ابگلبی الگلاید
یا نبع یا مای صافی البیر ما سکّر دلو لک
قادرتنه اویاک اخذنه حزنک ایوزع جراید
***
السماء والهور واسهوله دکت ابطبل الضبوح
الگصب والبردی ایتمایل صبت ادموعه او ینوح
والجبل محزن علیکم یا اسود الما تهاب
قل صبرنه و انسجنه لیش تهجرنه او تروح
لیش تهجرنه او تروح
***
جاسم ثعلبی (حسّانی) 30/10/1392