عتاب مع العرب وین القاعده او وین الحرامیه؟

عتاب مع العرب وین القاعده او وین الحرامیه؟
وین القاعده او وین الحرامیه ، داعش عاد متحزم ابچفیه
***
کل یوم او سمعنه جانه ملک الموت
ایفجر بالبلاد او بالقصف منعوت
ما عارف اصلهم یونس او یاقوت
تفخخ بالوطن والناس مسبیه
وین القاعده او وین الحرامیه ، داعش عاد متحزم ابچفیه
***
یومیه تهد امریکه واسرائیل
والثالث تبوعه یمسح ابمندیل
جتکم محرگه مکتوبه بالتفصیل
اتّحدوا یخوتی والکذبه خرمیه
وین القاعده او وین الحرامیه ، داعش عاد متحزم ابچفیه
***
لا کو قاعده لا کو زلم حرمان
زیل الظلم من هل عالم التعبان
لگوها امشتته والخاین الخسران
مضروبه ابمثل واحچایه محچیه
وین القاعده او وین الحرامیه ، داعش عاد متحزم ابچفیه
***
یابه یا جماعه صح خبر منشور
الحاکم لو عدل یتعدل المامور
تکون ابخیر طاعه المجلس او دستور
ما کو تفرقه و اللّمه سلمیه
وین القاعده او وین الحرامیه ، داعش عاد متحزم ابچفیه
***
های اسناد های افکار الاستعمار
یردون الذهب و النفط شب ابنار
ابیوت امهدمه و الناس تطلب ثار
شتلوا هل کره والغیره منسیه
وین القاعده او وین الحرامیه ، داعش عاد متحزم ابچفیه
***
بسکم یا عرب جبتوا الحرب لینه
الصهیون الضربکم و انتو ناسینه
شیعه او سنه کلمن یوفی ابدینه
لازم نتّحد ضد القچقچیه
وین القاعده او وین الحرامیه ، داعش عاد متحزم ابچفیه
***
یتفرج العالم و انتو محترگین
ذلّه یا عرب تتکتل الصوبین
امریکه او غربها ضدنه متحدین
تبیع اسلاح و اتمجّد الشرقیه
وین القاعده او وین الحرامیه ، داعش عاد متحزم ابچفیه
***
عدونه احنه العرب صهیون و امثاله
عصابات الدهر بالگلب چتاله
لا تغزون اخوکم برضه و ارجاله
کونوا للعدوا رشاشه سمتیه
وین القاعده او وین الحرامیه ، داعش عاد متحزم ابچفیه
***
جاسم ثعلبی (حسانی ) 18/10/1392