موال و ابوذیه و فسته باسم ملینه ملینه

موال و ابوذیه و فسته باسم ملینه ملینه
هدیه الی کل اصدقایی الذی بارکوا لی بعید میلادی
هبّت ریاح الفرح او هب من دلیلی وفر ( وفر)
تابعت حبی ابالم داعیته یرجع و فر ( شرد)
قلبی تالم نگع بهمومه جشته وفر ( احتر)
ما کو عتب لیش متحزم علی بالفصل ( عزل)
تکفر ولک عیب بالکعبه اغتسل بالفصل ( صلی)
تنهش بالافکار ما میّت واجی بالفصل ( فصل)
عوف المکر و الخدع وادعینه ابجوارک وفر(وفر)
***
ربیع الخیر اجانه من سرینه ( من فرحنه)
الحزن بطوابه هدد من سرینه ( سرنه)
العدو ضیّق علینه من سرینه (ما فرح لنا)
یلم بجیوشه و ایحشّد خویه
***
سبنّی اهموم دهری و انت خلهن (انت صدیقهن)
مصایب دفن گلبک و انت خلهن ( انت اخ لهن)
ادور ارچاب خیلی و انت خلهن ( و انتخی لهن)
واشوف اشبیک من وزّک علیه
***
ملینه ملینه ، کافر ما درینه
تنکر حبک اویای ، واتگول اشبدینه
روح او بعد لتعود ، و اعبر کل الحدود
ندریک اجنبی و اترید تاذینه
ملینه ملینه
***
تخون الوعد و انت تمشی ویای
ترن سماعتک بس اجلس احذای
نوبه اتگول اریدک ، اذا قاسی ارفع ایدک
اظن ابجیشک انت اترید تسبینه
ملینه ملینه
***
تعال اشتل ورد بهموم دنیای
تعال اسکن ابطن الگلب یهوای
ما اشک ابوجودک ، و اتنطّر وعودک
الوعد کارون اشوفک محنه ناسینه
ملینه ملینه
***
آنه اویاک اسافر وین مترید
الضفّه هلهلت و اتغازل العید
اذا عندک حمیه ، حط ایدک بدیه
الحد من یا زمن و الغربه تچوینه
ملینه ملینه
***
اخی الفنان استفاد بذکر اسم الشاعر و منبع الشعر
جاسم ثعلبی (حسّانی) 14/10/ 1392
www.jasemsalabi.loxblog.com
www.jasem1340.blogfa.com