اغنیه اهوازیه وین رایح (کجا می روی )

وین رایح
وین رایح ، گلبی صایح ، مرمرتنی الحب ثجیل
ابقی یمی ، او زیل همی ، ابدونک اگلیبی نحیل
یا حسافه فارگتنه ، و ابدرب عاصی عفتنـــه
اتگول عمده ما شفتنه ، والدمع علخد یسیل
***
اشویه ابقی ، ابدمی اروی ، العطش بعیونچ یدور
شع هوانه ، ابهل ضیافه ، القسمه بزلوفچ تنور
ما یشوفونچ ابنظره ، اچوی اگلیبی یسـمراء
ثلج مصبوب اعلی گلبی ، والعطر فوگ الزهور
اتسودنت والطم بدیه ، عینی ارحمینی خطیه
یا هواچ العم علیه ، واحد او ماله مثــــــیل
وین رایح ، گلبی صایح ، مرمرتنی الحب ثجیل
ابقی یمی ، او زیل همی ، ابدونک اگلیبی نحیل
***
دگ هوانه ، او غفله اجانه ، اعیونه ترمی من بعید
یطلق ابصلیه اعلی گلبی ، او بندقیته من حدید
صابنی او جر دمی یمه ، نحب واتکتر ابهــــمه
ما ترکنی اردود حبنی ، ضمنی ابصدره العنـید
باسنی بوسه شفیه ، ابلا حدود او لا هویــــه
یا هلی وآنه اشبدیه ، لا تلومونی امن اشـــیل
وین رایح ، گلبی صایح ، مرمرتنی الحب ثجیل
ابقی یمی ، او زیل همی ، ابدونک اگلیبی نحیل
***
جاسم ثعلبی (حسّانی) 11/04/1392