اغنیه اهوازیه و لحن جدید

اتعلگت بذیال ثوبک گوله
اتعلّگت بذیال ثوبک ، لا تفارگنی اباذیّـــــه
عینی تربی اعلی الگصایب ، لفت ازلوفک هویه
نجمه تزهین ابدلال ، بعد ما عندی مجـــــال
روحی طارت بیه دارت ، عینی ارحمیهه خطیه
***
یا هوانه العم علینه ، او یا زمان البیه رحـــــم
عگرب او تلسع اسمومک ، لیش ترمینی ابسهم
عذبتنی او مرمرتنی ، اسنین متحمّل شفتنـی
اتعاتب الیال المجفیه ، وین انوی الیا ثنیـــه
***
احبابی عافونی وحید ، و الیضدنی عنده عید
والصدیق الّی کرمته ، ساد بابه آنه اشبدیه
***
وحدی سهریت اللیالی ، عمری عدیته ابظـــلام
لا اخو الیقبل کلامی ، ینتقد حبی حـــــــرام
تاهت اصحابی اعلی شانک ، وین تالیته حنانـک
شارد ابعید او تذمنی ، اتگربت منی المنـــیه
***
بلحلم وانظر الطولک ، یا شمس یا خـــــیزران
اتخیّل ابکل لحظه ازورک ، اتصوّر ابنفس المکان
ریت ما نسّم هوانه ، و الدهر جمره او چوانّـــه
وین راح الواعدانه ، گبری حفریته بدیـــــه
***
جاسم ثعلبی (حسّانی) 02/04/1392
هدیه لک یا من تستحق کل شی
انت مع الاخ حاج فکری